XİN ABŞ konqressmenlərini `qara siyahı`ya saldı
22:24 22 Sentyabr 2017
Azərbaycan Respublikasının Ermənistan silahlı qüvvələri tərəfindən işğal olunmuş ərazilərinə qanunsuz səfər edərək, Azərbaycanın ərazi bütövlüyü və suverenliyini, “Ölkəyə gəlmək, ölkədən getmək və pasport haqqında”, “Azərbaycan Respublikasının Dövlət Sərhədi haqqında” qanununun müddəalarını kobud şəkildə pozmuş ABŞ Konqresinin nümayəndələr palatasının üzvləri David Valadao, Frank Pallone və Tulsi Qabbardın adları arzuolunmaz şəxslər siyahısına daxil edilib.
Femida.az xəbər verir ki, bu barədə Trend-ə XİN-nin Mətbuat Xidmətinin rəhbəri Hikmət Hacıyev bildirib.
Onun sözlərinə görə, bu qanunsuz səfərlə ABŞ Konqresinin Nümayəndələr beynəlxalq hüququn norma və prinsiplərini, Helsinki Yekun Aktını pozaraq Ermənistan tərəfindən Azərbaycan ərazilərinin işğalına, işğal olunmuş ərazilərdə bir milyondan artıq mülki Azərbaycan əhalisinin qanlı etnik təmizlənməsinə, aqressiv separatizmə bəraət qazandırır və dəstək vermiş olurlar:
"Təəssüflər olsun ki, bu kimi qanunsuz və qərəzli davranışla onlar Azərbaycan ictimai fikrində və beynəlxalq səviyyədə ABŞ Konqresinin nüfuzuna ləkə vururlar.
Onların Ermənistan və erməni lobbisi ilə əlbir bu hərəkətləri təxribatdır, regionda davamlı sülhün təmin edilməsi və münaqişənin həlli istiqamətində ABŞ-ın da daxil olduğu ATƏT-in Minsk Qrupunun həmsədrlərinin səylərinin pozulmasına xidmət edir"
H.Hacıyev qeyd edib ki, bu şəxslər ABŞ-da fəaliyyət göstərən erməni lobbi dairələri, xüsusilə radikal, irqçi təşkilat olan Amerika erməni milli komitəsinin maliyyə təsiri altında olduqlarını dəfələrlə öz əməlləri ilə sübut ediblər:
"Bu səfərin hansı maliyyə şərtləri altında həyata keçirilməsi ABŞ Konqresinin müvafiq etik komitələri tərəfindən araşdırılmalıdır. Həmçinin, mənəvi-əxlaqi dəyərləri, milli və beynəlxalq səviyyədə qanunun aliliyini rəhbər tutan ABŞ Konqresinin nümayəndələr palatasının digər üzvlərinə, bu şəxslərin seçildiyi ərazilərin seçicilərinə də müraciət edərək David Valadao, Frank Pallone və Tulsi Qabbardın əməllərinə düzgün qiymət verməyə və qınamağa çağırırıq".
Femida.az
Oxunub: 1041
Oxşar xəbərlər
- XİN rəsmisi İtaliyanın Qarabağ münaqişəsindəki rolundan danışdı
- XİN-dən erməni spikerə SƏRT CAVAB
- XİN Səudiyyə Ərəbistanına raket hücumlarını pisləyir
- XİN: Qara siyahıda 600 adam var
- XİN: Azərbaycan Əfqanıstanda hərbi qulluqçuların sayını artıracaq
- XİN-dən 200 azərbaycanlı qadının saxlanılması xəbərinə reaksiya
- XİN rəhbəri Baş Nazirinin müavini ilə görüşüb
- XİN Ermənistan rəhbərliyinə BMT-nin qətnamələrini oxumağı məsləhət gördü
- XİN bəyanat yaydı - Türkdilli dövlətlərə görə
- XİN türkiyəli siyasilərin Qarabağa səfərini araşdırır